శ్రీ షిర్డీ సాయిబాబా సంస్థాన్, బాగ్ అంబర్ పేట్, హైదరాబాద్, ప్రధాన కార్యదర్శి శ్రీ ప్రతాపగిరి వేంకటప్పయ్య సాయి, గుడ్ క్లాప్ డాట్ కామ్ సంస్థ అధినేతలు శ్రీ శశాంక్ , శ్రీ భార్గవ్ భగవద్గీతా ఫౌండేషన్ అభివృద్ధి కోసం ఫౌండేషన్ కార్యాలయం లో చర్చించారు. ఈ సమావేశం లో ప్రముఖ యూరాలజిస్ట్ డాII సూర్యప్రకాశ్, నర్సరావు పేట వై ఎస్ ఆర్ సి పి పార్లమెంటరి ఇంఛార్జి శ్రీ చింతా కిరణ్ కుమార్, నటులు శ్రీయుతులు చలపతి రాజు, సీతాకాంత్, దర్శకులు శ్రీనివాస్ మల్లెల కూడా పాల్గొన్నారు.



ప్రసిద్ధ నాట్యాచారిణి 'పద్మశ్రీ ' శోభానాయుడు తన శిష్యబృందం తో 'విప్రనారాయణ' నృత్యరూపకాన్ని మంగళవారం (30.7. 2018) నాడు హైదరాబాద్ లోని రవీంద్రభారతి లో అత్యంత రసార్ద్రం గా ప్రదర్శించారు. ఈ కార్యక్రమానికి భగవద్గీతా ఫౌండేషన్ వ్యవస్థాపకులు, ప్రసిద్ధ గాయకులు శ్రీ ఎల్ వి గంగాధర శాస్త్రి ముఖ్య అతిథి గా హాజరై ప్రసంగించారు. శోభానాయుడు ప్రదర్శనలను తిలకించి స్ఫూర్తి పొందిన అనేకమంది లో తానూ ఒకడినని గంగాధర శాస్త్రి అన్నారు. సిద్ధేంద్ర యోగి అంశతో ఉద్భవించి కూచిపూడి నాట్య ఔన్నత్యాన్ని ప్రచారం చేయడానికే తన జీవితం అంకితం చేసిన తపస్వి శోభానాయుడు అని అన్నారు. సినిమాలలో వచ్చిన అవకాశాల్ని కాదని, కూచిపూడి సంప్రదాయాన్ని కాపాడడానికే తాను కట్టుబడి ఉన్నానని ప్రకటించడం శోభానాయుడు అంకితభావానికి నిదర్శనమని అన్నారు. ఆమెను స్ఫూర్తి గా తీసుకుని కూచిపూడి నాట్య కళను కాపాడవలసిన బాధ్యతను ఈ తరం వారు స్వీకరించాలని పిలుపునిచ్చారు. పాటంటే సినిమా పాటే అనీ, డాన్స్ అంటే సినిమా డాన్సే అనుకునే వారికి - అంతకు మించిన దివ్యానుభూతి సంప్రదాయ కళల్లో ఉంటుందని ఈ రోజు ప్రదర్శించిన విప్రనారాయణ నృత్య రూపకం చెబుతుందని, ఇలాంటి ప్రదర్శనలను విద్యార్థులు,యువతీ యువకులకు చూపించడం ద్వారా భారతీయ సంస్కృతి గొప్పతనాన్ని చెప్పవలసిన బాధ్యత మన అందరిపైనా ఉందని గంగాధర శాస్త్రి అన్నారు. శ్రీమతి శోభానాయుడు కూచిపూడి నాట్య కళకు నాలుగున్నర దశాబ్దాలుగా నిస్వార్ధంగా చేస్తున్న సేవలను గుర్తించి ఆమెను "భారత రత్న " తో గౌరవించాల్సిoదిగా భారత ప్రభుత్వాన్ని కోరుతున్నానని అన్నారు. ఈ కార్యక్రమానికి జయ జయ శంకర టీవీ ఛానెల్ సి ఈ ఓ శ్రీ ఓలేటి పార్వతీశం సభాధ్యక్షత వహించారు..



భగవద్గీతా ఫౌండేషన్ వ్యవస్థాపకులు, ప్రసిద్ధ గాయకులు శ్రీ ఎల్ వి గంగాధర శాస్త్రి - మహా నటులు "పద్మశ్రీ" కోట శ్రీనివాసరావు ఆహ్వానం మేరకు ఆయన ఇంటికి వెళ్లి కాసేపు ఆధ్యాత్మికం గా గడిపారు. గంగాధర శాస్త్రి పాత్రికేయుడి గా ఉన్నప్పుడు ఆయనతో తనకి ఉన్న అనుబంధాన్ని, సంఘటనలను, తన కుమారుడి వివాహానికి ఏర్పాటు చేసిన గంగాధర శాస్త్రి సంగీత కచేరి ని కోట గుర్తుచేసుకున్నారు. భగవంతుని ఆశీస్సుల వల్లే తనకు నాలుగు దశాబ్దాలపాటు ఎన్నో విశిష్టమైన పాత్రలను పోషించే ప్రాప్తం లభించిందని అన్నారు. ఎంత సాధించినా, తన కుమారుడు భౌతికం గా తమకు దూరం కావడం మాత్రం, ఈ ఏడు పదుల వయస్సులో తట్టులోలేని బాధను మిగిల్చిందని కంట తడి పెట్టుకున్నారు.. తాను పోషించిన విశిష్టమైన పాత్రల ఫోటోలను సేకరించి తన కుమారుడు తయారు చేసిన పోస్టర్ ను గంగాధర శాస్త్రి కి చూపించారు. భగవద్గీత కు సంబంధించిన అనేక విశేషాలను, భగవద్గీతా ఫౌండేషన్ కార్యక్రమాలను అడిగి తెలుసుకున్నారు. ఒకప్పటి గంగాధర శాస్త్రిలో కమిట్మెంట్ ఉన్న ఉత్తమ జర్నలిస్టు ని చూశాననీ, ఇప్పటి గంగాధర శాస్త్రి లో ఆధ్యాత్మికవేత్తని చూస్తున్నాని కోట అన్నారు. ఈ సందర్భం గా గంగాధర శాస్త్రి - కోట శ్రీనివాసరావు నుదుట కస్తూరి తిలకాన్ని దిద్ది, భగవద్గీత గ్రంధాన్ని అందిస్తూ - 'మత్తహ్ పరతరం నాన్యత్' ( గీత -7. 7) అనే ఆరోగ్య సిద్ధి మంత్రాన్ని ఆయనతో చెప్పించారు. కోట శ్రీనివాసరావు - గంగాధర శాస్త్రి ని నూతన వస్త్రాలతో, ఫలాలతో సత్కరించారు. భగవద్గీతా ఫౌండేషన్ మేనేజర్ శ్రీ యుగంధర్ కూడా ఈ కార్యక్రమం లో పాల్గొన్నారు..



స్టేట్ బ్యాంక్ ఆఫ్ మారిషస్, హైదరాబాద్ శాఖ ఉద్యోగులు శ్రీయుతులు గంటి సాయి భగవాన్, బి శివన్నారాయణ, యు వి రమణ మూర్తి -భగవద్గీతా ఫౌండేషన్ కార్యాలయాన్ని సందర్శించారు. ఈ సందర్భం గా ఫౌండేషన్ వ్య్వవస్థాపకులు శ్రీ ఎల్ వి గంగాధర శాస్త్రి గారితో కాసేపు ముచ్చటించి భగవద్గీత గురించి, భగవద్గీతా ఫౌండేషన్ కార్యక్రమాల గురించి వివరం గా తెలుసుకున్నారు. భగవద్గీతా వ్యాప్తి కోసం తామూ పాటుపడతామన్నారు. భగవద్గీతను అనేక చోట్ల మరణ గీత గాప్రదర్శించడం దురదృష్టమని, దీనిని జీవన గీత గా ప్రచారం చేస్తామన్నారు. ఫౌండేషన్ రూపొందించిన డాక్యుమెంటరీ ప్రదర్శనని తిలకించి, శ్రీ గంగాధర శాస్త్రి గానం చేసిన సంగీత భరిత, తెలుగు తాత్పర్య సహిత సంపూర్ణ భగవద్గీత సి డి ప్యాక్ లను పొందారు.

తెలంగాణా ప్రభుత్వ , ఢిల్లీ అధికార ప్రతినిధి డా II వేణుగోపాలాచారి - హైదరాబాద్ లోని భగవద్గీతా ఫౌండేషన్ కార్యాలయాన్ని ని సందర్శించారు. ఫౌండేషన్ సభ్యులు ఆయనకు ఘనస్వాగతం పలికారు. అనంతరం ఫౌండేషన్ వ్యవస్థాపకులు శ్రీ ఎల్ వి గంగాధర శాస్త్రి - ఫౌండేషన్ కార్యక్రమాలను డాక్యుమెంటరీ రూపం లో చూపించి వేణుగోపాలాచారి కి వివరించారు. భవిష్యత్తులో భగవద్గీత తెలియని హిందువు అంటూ ఉండకూడదని..ఈ దేశం లో హిందూయిజం బలపడాలంటే ప్రతి ఒక్కరూ భగవద్గీతను అధ్యయనం చేయాలని.. ఆ దిశగా ఫౌండేషన్ కార్యక్రమాలను నిర్వహిస్తోందని, ఇప్పటికే గీతను మరణ గీత గా కాక జీవన గీత గా అందరూ ఉపయోగించేట్టుగా భగవద్గీతా ఫౌండేషన్ వివిధ కార్యక్రమాల రూపం లో ప్రచారం చేస్తోందని గంగాధర శాస్త్రి వివరించారు. ఫౌండేషన్ రూపొందించాలని సంకల్పించిన "గీతా సంస్థాన్ " వ్యవస్థ కి ప్రభుత్వ సహకారం అందించాలని సభ్యురాలు శ్రీమతి గీతామూర్తి కోరగా - ఫౌండేషన్ కార్యక్రమాలకు, చేపట్టబోయే ప్రాజెక్టులకు ప్రభుత్వం సహకరిస్తుందని వేణుగోపాలాచారి అన్నారు. ఈ సందర్భం గా డా II వేణుగోపాలాచారిని ఫౌండేషన్ సభ్యులు దుశ్శాలువాతోనూ, గంగాధర శాస్త్రి గానం చేసిన భారత దేశపు తొలి సంగీత భరిత, తెలుగు తాత్పర్య సహిత సంపూర్ణ భగవద్గీత పేటిక తోనూ సత్కరించారు. ఈ కార్యక్రమం లో ఫౌండేషన్ సభ్యులు శ్రీయుతులు బి ఎస్ శర్మ, లక్ష్మీనారాయణ, గిరిధర్ మామిడి,. రఘు, చలపతి రాజు, సూర్యప్రకాష్ , ధీరజ్ , శ్రీమతి గీతా మూర్తి తదితరులు పాల్గొన్నారు.

ప్రసిద్ధ గాయకులు, భగవద్గీతా ఫౌండేషన్ వ్య్వవస్థాపకులు శ్రీ ఎల్ వి గంగాధర శాస్త్రి గారు తన జన్మ దినం సందర్భంగా - విశాఖ శారదా పీఠాధిపతి శ్రీ శ్రీ శ్రీ స్వరూపానందేంద్ర సరస్వతీ స్వామిని హైదరాబాద్ ఫిలిం నగర్ లోని దైవసన్నిధానం ఆలయం లో సందర్శించి వారి ఆశీస్సులు పొందారు. స్వామి కోరిక మేరకు గంగాధర శాస్త్రి కొన్ని భక్తి గీతాలను ఆలపించారు. తనకు గంగాధరశాస్త్రి అన్నా ఆయన గాత్రమన్నా అభిమానమని స్వరూపానంద అన్నారు. ఘంటసాల గీతాలకూ, శ్రీకృష్ణ గీత కూ ప్రచారం కల్పించడానికే భగవంతుడు గంగాధర శాస్త్రి ని ఎంచుకున్నట్టుగా తాను భావిస్తానని, సంపూర్ణ భగవద్గీత రికార్డింగ్ కు తాను ముహూర్తం నిర్ణయించగా, తన జన్మ చరితార్ధమయ్యేలా గంగాధర శాస్త్రి గీతను గానం చేశారని స్వరూపానంద అన్నారు. ఈ సందర్భం గా గంగాధర శాస్త్రి - భగవద్గీతా ఫౌండేషన్ సభ్యులతో కలసి - తాము చేయబోతున్న ప్రాజెక్ట్ వివరాలను - స్వరూపానంద కు అందజేయగా -ఇవన్నీ సఫలీకృతం కావాలని స్వామి ఆశీర్వదించారు. త్వరలో తాను హైదరాబాద్ లోని భగవద్గీతా ఫౌండేషన్ కార్యాలయాన్ని సందర్శిస్తానని అన్నారు. ఫౌండేషన్ సభ్యులు శ్రీయుతులు చలపతి రాజు, చక్రవర్తి , కృష్ణమాచార్యులు స్వామి ఆశీస్సులు పొందారు.

ఈ రోజు (26-6-2019) తెలంగాణ రాష్ట్ర దేవాదాయ ధర్మాదాయ శాఖామంత్రివర్యులు శ్రీ ఏ. ఇంద్రకరణ్ రెడ్డి - హైదరాబాద్ లోని 'భగవద్గీతా ఫౌండేషన్' కార్యాలయాన్ని సందర్శించారు. ఫౌండేషన్సభ్యులు మంత్రి కి పూర్ణకుంభం తో స్వాగతం పలికారు. అటుపై ఆయన ఫౌండేషన్ కార్యాలయం లోని శ్రీకృష్ణుడి కి పూజా కార్యక్రమాలను నిర్వహించారు. ఈ సందర్భంగా భగవద్గీతా ఫౌండషన్ చేసిన, చేస్తున్న కార్యక్రమాల సమాహారం గా రూపొందించిన లఘు చిత్రాన్ని ఇంద్రకరణ్ రెడ్డి కి చూపించారు. ఈ సందర్భం గా ఫౌండేషన్ వ్యవస్థాపకులు శ్రీ ఎల్ వి గంగాధర శాస్త్రి - ఇంద్రకరణ్ రెడ్డి ని తులసిమాల తో, దుశ్శాలువతో, సంగీత భరిత సంపూర్ణ భగవద్గీత తో సత్కరించారు. అనంతరం భగవద్గీతా ఫౌండేషన్ నిర్మించ సంకల్పించిన "గీతా సంస్థాన్" కి సంబంధించిన వివరాలను ఇంద్రకరణ్ రెడ్డి కి వివరించగా - ఈ ఆధ్యాత్మిక వ్యవస్థ కి ప్రభుత్వ సహకారం ఉంటుందని మాట ఇచ్చారు. ఈ కార్యక్రమం లో ఫౌండేషన్ సభ్యులు శ్రీమతి గీతా మూర్తి, శ్రీయుతులు బి కె శర్మ , బి ఎస్ శర్మ, గిరిధరన్, చలపతి రాజు, ఎం రఘు, ఎల్ వేణుగోపాల్ ,లింగమూర్తి, వెంకట రమణ, దంటు రాంబాబు, తదితరులు పాల్గొన్నారు.

ఈ రోజు శ్రీ ఎస్. వెంకటరామరెడ్డి , డైరెక్టర్ & సి ఓ ఓ , లాంకో హిల్స్ హైదరాబాద్ లోని భగవద్గీతా ఫౌండేషన్ కార్యాలయాన్ని సందర్శించి కాసేపు ఆధ్యాత్మికం గా గడిపారు. ఫౌండేషన్ వ్యవస్థాపకులు శ్రీ ఎల్వీ గంగాధర శాస్త్రి తమ లక్ష్యాల్ని వివరించగా,వెంకట రామరెడ్డి- భగవద్గీతా ఫౌండేషన్ అభివృద్ధికి తన తోడ్పాటు అందిస్తానని అన్నారు.

రాజమండ్రి వైఎస్సార్సిపి నుంచి పార్లమెంట్ సభ్యుడిగా ఎన్నికైన శ్రీ మార్గాని భరత్ రామ్ - హైదరాబాద్ లోని భగవద్గీతా ఫౌండేషన్ కార్యాలయాన్ని ఆదివారం(9-6-2019) సందర్శించారు. ఫౌండేషన్ సభ్యులు ఆయనకు ఘన స్వాగతం పలికారు. ఫౌండేషన్ చేసిన, చేస్తున్న కార్యక్రమాలను డాక్యూమెంటరీ రూపం లో భరత్ రామ్ తెలుసుకుని అభినందించారు. ఈ సందర్భం గా తనకూ ఆధ్యాత్మిక ఆసక్తి ఉందని చెబుతూ శ్రీ సూక్తాన్ని స్వరితం గా పఠించి అందరినీ ఆశ్చర్య చకితులను చేశారు. ఆంధ్రప్రదేశ్ లోని ద్వారకా తిరుమల లో- ప్రపంచం దర్శించి పునీతులయ్యే స్థాయిలో ప్రతిష్టాత్మకమైన ఒక ఆధ్యాత్మిక కేంద్రాన్ని స్థాపించాలనే తమ సంకల్పాన్ని గంగాధరశాస్త్రి కి వివరించి, భగవద్గీతా ఫౌండేషన్ త్వరలో నిర్మించబోతున్న ఆధ్యాత్మిక కేంద్రం "గీతా సంస్థాన్ " తో అనుసంధానమయ్యేందుకు సహకారాన్ని కోరారు భరత్ రామ్. ఈ సందర్భం గా భరత్ రామ్ ను ఫౌండేషన్ ఉపాధ్యక్షులు శ్రీ బీకే శర్మ దుశ్శాలువాతో సత్కరించారు. ప్రపంచం లో అత్యాధునిక సాంకేతిక విలువలతో తాము రూపొందించిన సంగీతభరిత, తెలుగు తాత్పర్య సహిత సంపూర్ణ భగవద్గీత ఆడియో ప్యాక్ ను సంస్థ వ్యవస్థాపకులు శ్రీ ఎల్వీ గంగాధర శాస్త్రి - భరత్ రామ్ కు అందజేశారు. ఈ కార్యక్రమం లో భగవద్గీతా ఫౌండేషన్ సభ్యులతో పాటు చైనా మూర్తి , మహమ్మద్ అక్బర్ బాషా తదితరులు పాల్గొన్నారు.

 

ప్రసిద్ధ గాయకులు గంగాధర శాస్త్రి గానం చేసిన సంగీత భరిత సంపూర్ణ భగవద్గీత - భారత దేశ ప్రధానమంత్రి శ్రీ నరేంద్ర మోడీ సువర్ణ హస్తాల లోకి బహుమతి గా చేరింది. ఈ రోజు హైదరాబాద్ లోని ఎల్ బి స్టేడియం లో జరిగిన భారతీయ జనతా పార్టీ బహిరంగ సభకు హాజరైన శ్రీ నరేంద్ర మోడీ ని బి జె పి నాయకులు అంత క్రితం బేగంపేట విమానాశ్రయం లో ఘన స్వాగతం పలికారు. బి జె పి నాయకురాలు, భగవద్గీతా ఫౌండేషన్ సభ్యురాలు అయిన శ్రీమతి గీతా మూర్తి - ఫౌండేషన్ తరపున గంగాధర శాస్త్రి గానం చేసిన భగవద్గీత ప్యాక్ ను శ్రీ మోడీ కి బహుమతి గా ఇచ్చి స్వాగతం పలికారు. ఇది దశాబ్ద కాలం కృషితో రూపొంది, అటుపై భారత రత్న డాII అబ్దుల్ కలాం ప్రశంసలు పొంది, తెలుగు జాతి కి అంకితం చేయబడ్డ విశిష్ట ప్రయత్నమని, గీతా మూర్తి మోడీ కి వివరించగా-మోదీ అభినందిస్తూ ఈ గీతను తాను తప్పక వింటానన్నారు. ఈ ప్రయత్నం జరుగుతున్న సమయం లో మోదీ - భగవద్గీతా ఫౌండేషన్ ను అభినందిస్తూ రాసిన లేఖని ఈ సందర్భం గా ఆమె ప్రస్తావించారు. .

hagavadgita Foundation soulfully congratulates India's 14th President Sri. Ramnath Kovind.



Packs Available

Bhagavadgita Promo